Si Agnes at ang Magnifying Glass

May kuwento po ako ukol kay Agnes, isang batang mahilig kumain, lalo na ng mga matatamis. Kapag meron siyang pagkain, hindi niya ito ibinabahagi sa iba. Isang araw, niregaluhan siya ng kanyang mga magulang ng isang magnifying glass. Tuwang-tuwa si Agnes, dahil lahat ng nakikita niya sa magnifying glass ay lumalaki.  

Isang araw, may isang matandang humingi ng pagkain sa kanya. Nguni’t ipinagkait niya ang hawak-hawak niyang burger at french fries. Nakita ng matanda ang magnifying glass na hawak niya sa kabilang kamay. Hinawakan niya ito bago umalis.

Nang umuwi si Agnes sa bahay, inilabas niya ang magnifying glass at tiningnan niya ang isang langgam. Siyempre, lumaki sa magnifying glass ang langgam, ngunit nabigla si Agnes nang nanatiling malaki ang langgam at hindi na ito bumalik sa dati niyang sukat.

Kaya nilabas niya ang mga matatamis na pagkain, at lalo niyang pinalaki ang mga ito upang mas marami siyang kakainin. Hindi nagtagal naubos niya ang mga pagkain. Ngunit hindi na siya makatayo. Sumakit ang kanyang tiyan sa sobrang pagkain. Kaya simula noon, nawalan na siya ng ganang kumain nang labis, sa halip, ipinamigay na niya ang sobra sa walang makain.

Mga kapamilya, walang magandang kinahihinatnan ang anumang sobra o labis.

Manalangin Tayo: O Dios, turuan mo kaming kumain ng tama, upang ang iba naman ang makakain ng husto. Amen.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s