Madaling magsabing susundin natin si Hesus. Ngunit hindi ito napapatupad. Nangangako tayong laging napapako. Hindi lamang ito sa larangan ng kontrata, sa pagkakaibigan, sa ating mga kapamilya, o kaya sa ating sarili.
Lalung-lalong na sa mga gawaing espiritual, hindi tumatagal ang anumang pangako natin sa Diyos o sa sarili. Bigla na lamang tayong nangangakong maglingkod ng mahusay o baguhin ang isang paguugali, pero hanggang ngayon, drawing pa rin ito.
May mga oras na nais nating purihin ang isang tao dahil sa kanyang kahusayan o ipadama ang ating pakikiramay sa isang kaibigan, ngunit sa paglipas ng panahon, kahit isang kapirasong card, wala tayong naipapadala.
May mga sandaling nais nating pagsabihan ang isang kaibigan. Sa kasawingpalad, pinapaliban natin ito dahil kinukumbinsi natin ang ating sarili na may iba pang pagkakataon. Dinadahilan natin ang ating trabaho, gawain sa bahay, atpb. Sa gayon, hindi na ito nagaganap o napanis na ang panahon sa pagmamagandang-loob. Pagdasal natin na hindi natin papakawalan ang mga pagkakataong magpakabanal.
As Kingfishers Catch Fire 