Anong demonyong nagpapa-pipi sa iyo?

Hindi makapagsalita ang piping inaalihan ng demonyo. Nang mapalayas ni Hesus ang demonyo, nagsalita na ang pipi at namangha ang mga nakakita.

Maraming mga “demonyo” ang nasa ating nakaraan at kasalukuyan na napipigilan tayong maging malayang makapagsalita o maging totoo. Ilan ba sa atin ang may sikretong tinatago? Ilan ba sa atin ang hindi makapagsalita ukol sa mga masasamang bagay na nakikita natin? Sinisikmura na lamang ito dahil manganganib ang ating pangalan, trabaho, pamilya’t kaibigan? Halimbawa, maraming empleyadong alam ang mga kaduda-dudang proyekto sa gobyerno. At dahil dinadala natin ito sa habang panahon, laging binabantayan natin ang ating sarili. Nawawala na ang ating pagiging spontaneous or pagiging malayang-malaya maging totoo.

May mga taong nagsalita na. Mga taong hindi na takot ilabas ang kinikimkim. Nais na nilang maging mapayapa ang kanilang konsyensiya. Ikaw, handa ka bang magsalita na?